قانون و آئین اچ سقم کوں دور کرݨ پارلیمنٹ دی ذمہ واری اے،وفاقی وزیر داخلہ

اسلام آباد۔29مارچ (اے پی پی):وفاقی وزیر داخلہ رانا ثنا اللہ خان امید ظاہر کیتی اے جو عدلیہ اچ اصلاحات دی قانون سازی اڄ مکمل تھی ویسی ، قانون و آئین اچ سقم کوں دور کرݨ پارلیمنٹ دی ذمہ واری اے ،انصاف دے تقاضے پورے کرݨ کیتے فل کورٹ تشکیل ݙتا ونڄے، ساریں کوں قانون دی حکمرانی اچ کردار ادا کرݨا چاہیدے ،فتنہ خان ملک اچ انارکی تے لاقانونیت کھنڈاوݨ چاہندے ،جݙاں میدان لڳسی تاں پتہ لڳ ویسی کون کتنا مقبول اے۔ او وفاقی وزیر مذہبی امور مفتی عبدالشکور تے جے یو آئی دے سیکرٹری جنرل مولانا عبدالغفور حیدری دے رلے میڈیا نال ڳالھ مہاڑ کریندے پئے ہن ۔ وفاقی وزیر داخلہ رانا ثنا اللہ خان آکھیے اساں عدالت عظمی توں انصاف چاہندوں ، اساں چاہندوں ملکی سیاست اچ رواداری ،قانون دی حکمرانی تے آئین دی حکمرانی اچ عدالت عظمی اپݨا کردار ادا کرے ، ایں کردار نال وی توازن آسی ،ایں توں پہلے بدقسمتی نال ایجھے فیصلے تھیندے رہ ڳن جئیں تے شکوک و شبہات اٹھدن ۔ انہاں آکھیے ھک فیصلہ تھئے جو اے ترائے ݙو دا فیصلہ اے ، یا چار ، ترائے دا، اے ابہام دور تھیوݨا چاہیدے ، ایں ابہام کوں لارجر بینچ یا فل کورٹ ہی دور کر سڳدے ، ایہا ہی استدعا ساݙی طرفوں وی رہی اے ۔

مضمون کا ماخذ : بہت کچھ

متعلقہ مضامین